అనిర్వేదో సతతం సర్వార్ధేషు ప్రవర్తకః ।
కరోతి సఫలం జన్తోః యత్తత్కరోతి కరోతి సః ।।

(శ్రీమద్రామాయణం – సుందరకాండ)

ఎల్ల వేళలను, అన్ని సందర్భముల్లోనూ ఉత్సాహం కలిగి ఉండడమే శ్రేయస్కరం. అదే మానవుల సర్వ కార్యాలను సఫలీకృతం చేస్తుంది.

“తేజస్వి ఆస్ట్రో” జ్యోతిష వేదిక మాత్రమే కాదు. సనాతన ధర్మ పరివ్యాప్తి, పరిరక్షణ శిరోధార్యంగా సాగుతున్న ఆధ్యాత్మిక గమనం. అంకితభావం కలిగిన వేద జ్యోతిష పండితుని దిశానిర్దేశకత్వంలో, సనాతన ధర్మంలోని అనేక సూక్ష్మమైన విషయాల పట్ల జ్ఞానాన్ని పంచుతూ, కాలానుగుణంగా వస్తున్న మార్పులకు అనుగుణంగా దిశానిర్దేశం చేస్తూ, కాలానుగుణంగా ధర్మమార్గం పట్ల జాగృతిని తీసుకురావడమే మా ప్రయత్నం. ఈ మార్గంలో ఎదురయ్యే ఆటుపోట్లను, సమస్యలను, సవాళ్ళను ఎదుర్కొనేందుకు జ్యోతిష మార్గంలో సూచనలు అందించడాన్ని ఓ సేవా మార్గంగా భావిస్తున్నాము.

శ్రీ బాలా త్రిపుర సుందరీ మాత ఆశీస్సులతో ప్రతి ఒక్కరి జీవితాల్లో సుఖశాంతులను, ఆయురారోగ్యాలను, సంపద సౌభాగ్యాలకై వేదమార్గంలో దిశానిర్దేశం చేయడమే లక్ష్యంగా పెట్టుకుని ముందుకు సాగుతున్నాము.

సామాజిక బాధ్యతలో భాగంగా తెలంగాణలోని ములుగు దగ్గరలో గల ఓ తండాలోని పిల్లలకు ప్రాథమిక విద్యను నేర్పించడంతో పాటు, వారిని పైచదువుల కోసం ప్రభుత్వ పాఠశాలల్లో చేర్పించే బాధ్యతను శ్రీ బాలా త్రిపుర సుందరి ఫౌండేషన్ చేపడుతోంది.

ప్రతిభ కలిగి, పైచదువులు చదువుకోవడానికి ఆర్థిక స్తోమత లేని విద్యార్థులకు శ్రీ బాలా త్రిపుర సుందరి ఫౌండేషన్ తన వంతు సహకారం అందిస్తోంది.

హైదరాబాద్ లో గోశాల ద్వారా, కబేళాకు తరలివెళుతున్న గోమాతలకు రక్షణగా వాటి బాధ్యతను సైతం శ్రీ బాలా త్రిపుర సుందరి ఫౌండేషన్ చేపట్టింది.

ఇలాంటి పలు సేవా కార్యక్రమాల్లో శ్రీ బాలా త్రిపుర సుందరి ఫౌండేషన్ కలిసి మీరు కూడా భాగస్వాములు కావచ్చు. మీకు తోచినంత విరాళాన్ని ఫౌండేషన్ కు అందించవచ్చు.